القائمة الرئيسية

الصفحات

أخبار المواضيع

بدائل البرامج المكتبية للويندوزWindows Desktop Software Alternatives

بدائل البرامج المكتبية للويندوز

بدائل البرامج المكتبية للويندوز


1. ميكروسوفت اوفس MS Office : - من اهم البرامج ان اغلابية الناس بتحتاجه و ميكروسوفت هي رائدة المجال ده ,, ازاي تقدر تجيبه مجاني ؟!
لو حضرتك طالب و معاك ايميل طالب فميكروسوفت بتوفر لك نسخة من Office 365 مجانا علي موقعها بمجرد ما تدخل ايميل الدراسة بتاعك ,, بالاضافة ان اصلا بعض الجامعات و الشركات بتدي للطلاب و الموظفين ايميل علي Outlook مربوط ب Office 365 بردو تقدر تنزله مجاني عن طريق كدا ,,

طيب لو مش معاك ايميل طلاب !
- في برامج بديلة و اشهرها و اقواها هو برنلامج : LibreOffice
برنامج مجاني و بيوفر لك اغلابية مميزات ميكروسوفت اوفس تقدر تستخدمه في الباور بوينت او الورد او الايكسيل ..

2. قارئ ملفات الPDF : - الكل طبعا بينزل برنامج Adobe Reader و هو برنامج مجاني تقدر تنزله لكن النسخة المجانية مش بتفتح لك كل حاجة ,,
فلو كنت محتاج مميزات مدفوعة اكتر تقدر تستخدم البديل المجاني بالكامل و هو :
- برنامج Foxit Reader ,,

3. مشغل فيديو و موسيقي : - ميكروسوفت بتقدم لك ويندوز ميديا بلاير و في ويندوز 10 بتقدم لك برامج متخصصة مجانية مع الويندوز ..
- لكن لو مش عايزهم فافضل خيار مجاني هو برنامج VLC برنامج مجاني و فيه مميزات كتير جدا .

4. برامج الحماية : - البرنامج اللي باستخدمه شخصيا هو
360 total security
و باستخدمه لأنه اولا مجاني ثانيا بيقدم لك اولا حماية اثناء التصفح و يقدر يقولك الموقع ده امن ولا لا ,,
- بيقدم لك حماية اثناء عمليات الشراء .
- بيقدم لك حماية و قاعدة بيانات الفيروسات الخاصة بBitdefender و كمان Avira ,, و بيقدم لك مميزات اضافية زي مسح الملفات اللي ملهاش لازمة عشان تفضي مساحة و قفل التطبيقات اللي بتفتح مع الويندوز عشان تسرع فتحه ,,
- من البدائل المجانية بردو هي Avira Anti Virus

5. برنامج تحميل ملفات : - اكيد الاشهر هو IDM لكن ده مدفوع و البدائل بتاعته هي :
- برنامج DAP او Download Accelerator Plus و ده اشهر البرامج المنافسة و منه نسخة مدفوعة و منه نسخة مجانية و دي هتقضي الغرض جدا ,,
- من البرامج المجانية الكويسة بردو هي Free Download Manger و بيتميز بوجهة بسيطة و بيدعم اشهر المتصفحات .

6. برنامج فك ضغط الملفات : - اغلابنا بيستخدم برنامج winRar و الحقيقة البرنامج من اغرب البرامج لأنه المفروض مدفوع لكن المبرمج مش بيجبرك تدفع هو بيطلب منك و بيسيبك تواجه ضميرك
- لو ضميرك بيوجعك و مش عايز تدفع فالبديل هو
7-zip برنامج مجاني و فيه كل المميزات بردو ..

7. برامج التعديل علي الصور و الفوتوشوب :
- كلنا نعرف الفوتوشوب و كتير مننا استخدمه لكن البرنامج مدفوع للاسف فدي بدايل له :
- اول برنامج هو GIMP و هو يعتبر من اقوي البرامج المجانية البديلة للفوتوشوب ,, و هيقضي لك اغلابية احتيجاتك ,,
- في كمان برنامج Pixlr و ده من مطورين اللي عملوا برنامج AutoCAD و مش قوي اوي بس شغال .
- اخيرا برنامج Paint .Net و ده تقدر تقول عليه نسخة اقوي مع اضافات اقوي من برنامج الرسام العادي اللي علي الويندوز ,,

طيب اللي عايز بديل لبرنامج illustrator :
- اقوي بديل مجاني هو برنامج inkSpace و ده يعتبر من اقوي البرامج المجانية بردو الغنية بالمميزات ,,

اما لو عايز برنامج للعب في الصور اللي انت مصورها و تحسينها :
- البرنامج المشهور هو Adobe Lightroom لكن هو مدفوع بردو بالتالي البدائل هي :
- برنامج Raw Therapee و هو برنامج فيه امكانيات كاملة و مجاني و بيتحدث بشكل مستمر.


8. برامج الجرافكس 3D : - من اشهر البرامج اللي بتستخدم في المجال ده هي ال 3Ds Max لكنه برنامج مدفوع البديل الاقوي له و هو بردو من اقوي البرامج المجانية هو Blender و اللطيف في البرنامج ده بردو انه فيه جزء منه تقدر تستخدمه ك Video Editing.

- من البرامج اللي بيحتاجها المهندسين بردو هي AutoCAD و البديل له هو برنامج اسمه BRL-CAD و برنامج مجاني بالكامل .

9. برنامج الVideo Edit : - اللي بيشتغلوا يوتيوب او اي حد عموما بيبقي محتاج برنامج تعديل الفيديوهات اكيد عشان يظبط الفيديو بتاعه و الحقيقة انا شخصيا جربت اغلابية البرامج
اشهر برنامج بيستخدمها الناس هي Adobe Premier لو علي ويندوز و Apple Final Cut Pro X لو علي الماك ,, و الاتنين هي برامج مدفوعة ,,
فخلينا نشوف شوية بدايل :
- برنامج Shortcut و ده برنامج مجاني بالكامل و يعتبر واحد من اقوي برامج التعديل المجانية و بيديك امكانيات حلوة لكن مشكلته انه ممكن يكون معقد و محتاج صبر و تعليم و اكتشاف
- برنامج Davinci Resolve البرنامج ده يعتبر في المقام الول هو اقوي برنامج علي الاطلاق في ال Color Grading او تظبيط الالوان بتاعت الفيديوهات في الواقع بيستخدم لتصليح الالوان في الافلام !
و سعر النسخة المدفوعة منه 1000 دولار
البرنامج بدءت الشركة المبرمجة له تطور فيه و انه يشغل فيديو ايدت كمان و بالفعل هو فيه فيديو ايدت بس الحقيقة هو بدائي شوية يعني هتقدر تقطع و تحط فيديوهات و صور لكن مش هتقدر تظبط صوت او تعمل حركات كتير ,,
- من الخيارات التانية المجانية هي OpenShot و Lightworks .

10. الالعاب : - و دي حاجة الحقيقة مينفعش تلاقي لها بدايل : لكن هنا هقولك شوية حلول :
- اولا نزل برنامج Origin و كل فترة كدا بينزلوا لعبة مجانية احفظها عندك
- في وقت كتابتي للبوست ده شركة Ubisoft بتدي لعبة The Crew مجانا احتفالا ب 30 سنة و كمان هتفضل تدي العاب مجانية كل شهر لاخر السنة فاكتب Ubisoft club سجل و خذ الالعاب المجانية.
- برنامج زي Steam هتلاقي عليه اللعاب مجانية كتير و عروض بردو
- اللعب العاب مجانية اونلاين مسلية و يمكن اشهر الالعاب اللي الناس بتلعبها زي LOL هي لعبة مجانية.
- اكتب علي جوجل Free PC Games و هتلاقي مئات الالعاب المجانية
- استني الفرص اللي بينزل فيها عروض علي الالعاب و بتنزل مجانية.
- اشترك انت و اصحابك في لعبة. و ممكن تشتري لعبة واحدة تلعبها و تبدلها مع الناس علي الانترنت و تبقي بتلعب كل الالعاب و تخلصها و تبدل : .
هل اعجبك الموضوع :

تعليقات

التنقل السريع